BOUWER WEBBLAD
 

Welkom by ons webruimte. Dankie dat julle kom inloer het. (Opdateer 03 Sept 2002).

 

Image77

TEKEN asb ons gasteboek of LEES wat ander geskryf het!!

U is besoeker nommer:

Ons Nuutste Fotos!! (Click op foto)

Goulash SopBigBenOperahuis in BudapestHungoring

Goulash in Budapest Big Ben, London Operahuis, Budapest Grand Prix in Hongarye

 

Ons is burgers van die WesKaap en woon in Yzerfontein aan die pragtige Weskus. Aangesien ons voorheen vir 3 jaar in Europa gewoon het is die webblad meestal gewy aan ons ervaringe "daar oorkant". Ons beplan om in die toekoms die blad meer eg Suid Afrikaans aan te bied!

Ons het vanaf Okt 2000 tot Jul 2002 in Tervuren, Brussels België gewoon. (Click hier as julle ’n kaart van EUROPA wil sien)

Voor Brussels het ons vir 9 maande in Budapest, Hongarye gewoon. Gaan loer gerus na ons foto album om te sien wat ons alles daar gedoen het en hoe dit daar gelyk het.

 

EXTRA'S

Hieronder is ons dagboek soos ons dit opdateer het tydens ons verblyf in Europa:

 

 

 

 

 

Kyk hoeveel en watter lande ons reeds besoek het. Ons staan tans op 42 lande! Click op die TOERE TELLER

 

Ons Videos

Witte Kersfees!!!

Kaasfondue uit Switzerland

Tower Bridge in London

Wasbeelde lyk baie eg!

Kaalvoet in London

Ons Foto Album

Ons aankoms in Budpest

Drie weke later…..

Die Hongaarse platteland

Ons besoek aan Praag

Vinnige besoek aan SA & ons nuwe huis

Nuutste Goud Prys

[Most Recent Quotes from www.kitco.com]

 

3/1/2000: Ons het aangeland in Budapest en sien huiwerig maar opgewonde uit na die nuwe lewe in Hongarye. Taal is vreemd, mense is anders, sneeu net waar jy kyk. Waarvoor het ons ons ingelaat?!

15/4/2000: Ons het vir ‘n naweek na Praag gegaan vir werk en bly toe byna ‘n maand daar! Hard gewerk maar baie gedoen. Kyk bl. 4 van ons foto album.

23/5/2000: Ons was in Istanbul vir ‘n konferensie vir ‘n week lank. Baie interessant met swendelaars waar jy kyk! Sal binnekort fotos plaas.

30/5/2000: Ons het plek bespreek in Moskow van 8 tot 14 Junie! In die proses ‘n baie goeie website ondek waar julle hotelle kan bespreek. Kyk gerus by http://www.hotelscentral.com/ - heelwat specials as julle Europa beplan!!

15/6/2000: Ons het ‘n besondere week in Moskou deurgebring en Mandi se verjaardag op 12 Junie op die Rooi Plein met ‘n bottel sjampanje gevier. Ons voete is deurgestap maar die ondervinding was heerlik. Moskou is besonder groot en sal weer moet gaan besoek om al die plekke beter te leer ken!

28/6/2000: Ons was vir 4 dae in Denemarke by ‘n kongres in ‘n dorpie met die naam Helsingor. Weereens ‘n lieflike ondervinding, ‘n pragtige hotel teen die see en met ‘n ferry ‘n besoek aan Swede ook!

04/7/2000: Ons moeder, Maggie, is vanmiddag oorlede. Besoek asseblief Ons onthou ou Maggie en laat ‘n boodskap om haar te onthou.

30/7/2000: Ons was die naweek in Brussels in Belgie. Dit is ‘n baie groot en ontwikkelde stad. Die kos is heerlik en ons het hopeloos te veel geeet! Die pryse is egter alweer skokkend en ons betaal R25 vir ‘n bier. Ons vertrek Woensdag na Bratislava, Slovakia om opleiding daar te gaan gee.

5/8/2000: Ons het ‘n heerlike tyd in Bratislava deur gebring. Die hotel was besonder mooi en die ou-dorp klein maar uitstaande mooi. Beslis ‘n totaal on-ontdekte juweel. Die winkels is ook weer goedkoop, ‘n wonderlike ervaring na ons duur besoeke vroeer die maand.

14/8/2000: Mandi het infeksie opgedoen en was vir 2 dae opgeneem in die Szent Janos Korhaz (hospitaal). Die arme vrou, niemand kon haar verstaan nie en sy het ‘n rowwe tyd deurgegaan. Sy is nou beter maar vat dit kalm, enige iets om nie weer na hierdie hospitaal hoef terug te gaan nie!

16/8/2000: Budapest vier die naweek hul millenium bestaansjaar. Groot vuurwerke en straat feeste! Ons gaan Vrydag en Saterdag na Weene en sal Sondag (20/8) aan die groot Budapest fees kom deelneem.

01/09/2000: Ons het ’n werksaanbod aangeneem in Brussels, Belgie by ’n sagteware maatskappy ACL Europe ( http://www.acl.com/ ). Hulle verskaf sagteware aan ouditeure en Anton gaan die Professional Services afdeling bestuur. Ons gaan ou Budapest baie mis maar sien uit na die nuwe lewe in Wes-Europa.

5/03/2001: Ons webblad is verskuif na http://www.christianwebhost.com/. Ons hoop dat die diens beter sal wees en dat ons blad weer gereeld opgedateer sal word.

15/03/2001: Ons het die afgelope tyd redelik baie rond gereis en was in Beirut, Praag en verskeie Belgiese stede. Op Anton se verjaardag het ons na Gent gegaan waar hy by die universiteit gepraat het en daarna het Mandi hom bederf met die mees romantiese ete in ’n restaurant op ’n egte ou Europese plein. Dit is ’n juweel van ’n dorp, ons sal beslis weer daar gaan kuier.

22/03/2001: Ons maak alweer gereed om more lieflike SA te besoek! Anton werk in Jhb en Mandi gaan kuier in Natal by haar ouers. Daarna gaan ons vir 4 dae Kaap toe om op die plaas te rus en kreef te eet! Ongelukkig moet ons weer 4 April terug wees sodat Anton in Riyadh, Saudi Arabia kan gaan opleiding gee.

15/04/2001: Ons is weer almal bymekaar in Brussels. Heerlik gekuier in Suid Afrika, baie dankie almal! Mandi het ’n paar dae langer gebly terwyl Anton training gedoen het in Riyadh, Saudi Arabia. Vreeslike interessante plek. In die middel van die woestyn maar ’n grote stad met byna 4 miljoen inwoners. Die arabiere dra werklik rokke en die vrouens het werklik geen regte nie. Dit is baie warm (60 grade in die somer) maar alles is lugverkoel. Die hele dag word gereel rondom die “prayer breaks” wat 5 keer ’n dag plaasvind. Die goud en hout meubels is baie goedkoop en Mandi se verjaardag persent het vroeg gekom die jaar! Anton het selfs “chop-chop square” besoek waar publieke teregstellings plaasvind. Gelukkig was daar geen ge-choppery toe hy daar was nie!

24/04/2001: Ons het verlede week heerlik gekuier met gaste. Eers Elaine en Ritzema wat tans in Engeland woon en daarna Elna en Marius, ons ou bure van die Kaap. Dit was regtig lekker om hulle hier te he en ons het Belgie plat gery. Ons was by Keukenhof vir die jaarlikse Hollandse blommeskou waar tulpe en ander blomme te sien is net waar jy kyk. Ons vertrek more na Birmingham in Engeland waar Anton opleiding gee en vandaar gaan ons vinnig by Elaine en Ritzema inloer. Ons is egter bekommerd oor ou Snoekie wat ’n abses op haar boud het. Sy word more ge-opereer en dan sal hulle vasstel of dit kwaadaardig is of nie. Ons bid dat die brawe ou hondjie gesond sal word.

18/07/2001: Ons het sopas ’n geweldige besige 2 maande agter die rug. Ons het ver en wyd rond getoer met werk en so paar kuier naweke tussenin. Hier is ’n opsomming van ons ervaringe:

1.       Vroeg Junie is ons na Helsinki, Finland waar Anton opleiding gedoen het. Finland is ’n mooi plek met baie hoë lewensstandaarde. Van hier is ons per trein na St. Petersburg vir 3 dae van “White Nights”, heerlik behalwe Anton se paspoort wat soek geraak het. Nie iets wat jy graag wil oorkom in Rusland nie! Gelukkig het alles op die einde goed afgeloop en het ons Rusland weer baie geniet.

2.       Met slegs een dag tussenin is ons terug na Brussels en die volgende oggend weer na Denemarke na ’n dorpie met die naam Skodborg. Anton het by ’n seminaar van Deloitte & Touche gaan praat. Ons het in ’n heerlike spa gebly en lekker die lywe maseer in die warm water.

3.       Terug van Skodborg het ons 2 dae in Brussels gehad en toe vlieg ons weer na Dubai waar Anton opleiding gegee het vir 10 dae. Mandi het Dubai se hitte gate uit geniet en sy is lekker bruin. Ons hotel was uitstaande, ons het in ’n executive suite gebly en is soos royalty behandel. Die pryse was weer laag soos in Suid Afrika en die geld het ongelukkig weer gevloei. Anton het weer ’n digitale video kamera gekry so nou sal ons weer nuwe fotos en selfs klein videos plaas (sien die kamera). Ons het ook in die woestyn gery met 4x4’s.

4.       Na Dubai is ons 1 dag later na Parys vir 3 dae waar Anton by die ISACA konferensie gepraat het. Parys was aangenaam en ons het ’n ou vriend uit SA daar raakgeloop, Rodney Smith. Mandi het op die 12e Junie hier verjaar en is die aand saam met die konferensie na ’n outydse karnaval en het heerlik in Franse styl geëet en gedrink.

5.       Terug van Parys het ons ’n week by die huis gehad en toe vir 4 dae na Edinburgh, Skotland gevlieg. Dit was net vakansie! Na ons die pragtige stad deurkruis het was daar nog 2 dae oor en ons kan mos nie stil sit nie. Ons huur toe ’n motor en ry na Loch Ness (amper die monster gesien), Inverness en toe sommer aan tot heel bo in die noorde van Skotland (John O’Groats). Ons moes deurnag ry en in die kar slaap maar dit was ’n fantastiese kuier. Die noorde van Skotland is werklik van die mooiste plekke wat ons nog besoek het. (Kaart van Skotland).

6.       Ons was weer net terug van Skotland toe is ons weer na Parys vir ’n werks vergadering. Die nag het ons tot 3 uur in die Champs Elyseès gedrentel, heel romanties.

7.       Met ons terugkoms in Brussels het vriende van SA, Elsabe en Neil, kom kuier vir 10 dae. Gedurende die tyd het ons die Mosel rivier in Duitsland besoek en heerlik op die rivier gevaar, vuurwerke aanskou en lekker gekuier.

8.       Twee dae voor Neil & Elsabe ons verlaat het moes Anton na Tel Aviv, Israel vlieg om daar konsultasie te gaan doen. Mandi het gevolg net na die gaste weg is. Ons het die naweek na Jerusalem gegaan en in die voetspore van Jesus geloop! Wat ’n voorreg, ons is werklik bly ons kon dit meemaak. Ons het ook Old Jaffa besoek en in die strande van Tel Aviv besoek. Ons het geswem maar na 5 minute in die water het ’n jellievis ons besoek en gebrand. Arme Mandi het nog steeds ’n rooi kol op die binneboud. Ons kuier in Israel was werklik heerlik vir ons.

Nou-ja al die goed in 40 dae! Op die oomblik kuier Attie, Anton se pa en sy pa se suster, Annette by ons. Mandi is weer toergids en ons maak planne om oor naweke Europa plat te loop!

03/08/2001: Ons kuier nog heerlik met Attie & Annette. Attie het vir Mandi ’n fiets gekoop en almal is lekker opgewonde. Anton het in London gewerk en al 4 is per motor na die groot stad, in ’n trein onder deur die see! Ons het in ’n lekker apartment naby Tower Bridge gebly. Verbasend genoeg almal baie beindruk met London. Regtig ’n lekker en pragtige stad. Die res van England is totaal en al anders. Die kuier gaste vertrek die naweek en ons gaan volgende week na Geneva, Switzerland om opleiding te gee. Ons is alweer besig om met die Belgiese owerhede te sukkel. Mandi het ‘n nuwe visum nodig en hulle weier. Dit is werklik die moeilikste land waarin ons nog in gewoon het. Ons indruk van Belgiese burokrasie is besig om daagliks te daal. Selfs in Suid Afrika kry jy iets vinniger gedoen! In elk geval, ons eerste videos is beskikbaar op die webblad!! Kyk gerus en laat weet as dit moeilik is om te sien of te groot is om af te laai of so iets.

30/08/2001: Die maand van Augustus het weer heelwat dinge opgelewer! Nadat ons kuiergaste weg is het ons die volgende dag na Geneva gevlieg waar Anton vir 5 dae lank gewerk het. Ons het in ’n hotel naby die lughawe gebly en gereeld die stad met sy pragtige meer besoek. Die Jet D’Eau, die hoogste fontein in Europa, is werklik indrukwekkend. Mandi het die ou stad en Johannes Calvyn se verlede nagespoor. Mandi het ook ’n pragtige kaas fondue stel gekoop en ons het heerlik Switserse fondue gehou toe ons terug is in Brussels.

Terug van Switserland het Anton ’n dag of wat later na Oslo in Noorweë gevlieg vir werk. Mandi was nie saam nie en het ingehaal op al die take by die huis.

Na Oslo het die gesin (ja die honde ook), 3 dae later in die motor geklim en “een heel prettige reis” (soos die Flaame sal sê), aangepak. Ons het meer as 6000km afgelê vanaf Brussels na Nice, Cannes en Marseilles in die suide van Frankryk met al sy naak strande, daarna na Barcelona aan die oos kus van Spanje, deur Madrid en sentraal Spanje, deur sentraal Portugal tot in Lisabon. Hier het Anton gewerk en ons het met honde en al in ’n heerlike 5 ster hotel tuisgegaan. Die terugkeer het deur die noorde van Spanje, die weste van Frankryk (wynlande) gegaan en ons het 26 uur aanmekaar gery. Na alles wen Spanje ons stem vir die lekkerste land alhoewel Frankryk steeds die mooiste bly. Lisabon is ’n baie interessante stad met die ’n asemrowende brug maar Portugal oor die algemeen het ’n minder vriendelike atmosfeer. Baie harde ry, baie interessante tyd, baie leersame toer maar veral ’n vreeslik UITMUNTENDE ervaring!

Nog was dit het einde niet. Ons het die Sondag oggend 5:30 in Brussels aangeland, gaan slaap en 19:00 het Anton weer na Copenhagen gevlieg. Nou is almal weer by die huis vir 3 dae. Saterdag vlieg ons albei na Budapest waar Anton gaan werk en Mandi haar ou vriende gaan besoek! Mandi se visa is goedgekeur en ons sien baie uit daarna!

10/11/2001: Ongelooflik maar Oktober en November het byna alweer verby gesnel! Gedurende hierdie tyd het ons Budapest, Kopenhagen (alweer), Athene, Madrid en Israel besoek. Dit was ons eerste besoek aan Griekeland en was heerlik. Mandi het selfs ’n eiland besoek! Madrid was ook lekker al was dit net een dag. Ons het die motor bom gelukkig met een dag gemis! Anton het in Israel op ’n konferensie gepraat en gelukkig was daar geen sekuriteits probleme nie. Hy het byna nie gevlieg nie met Sabena se bankrotskap. Hy was letterlik die heel laaste Sabene passasier deur paspoort kontrole. Ons sal die vliegtuig kaartjie hou as aandenking!

Ons het ’n wonderlike meevallertjie gekry. Ons vlieg oormore na Suid Afrika vir ’n mengsel van werk en vakansie!! Ons kan nie wag om die plek weer te beleef nie. Vandag gaan ons eers Springbokke teen Frankryk kyk in Parys, Stade de France. Bokke bo!! (Hoop ons).

24/12/2001: Geseende Kersfees en voorspoedige nuwejaar aan almal! Intussen was ons weer in Suid Afrika, Denemarke en Switzerland, almal heerlik veral die wonderlike son in SA en die heerlike krewe wat ons daar geeet het. Ons is op die oomblik bevoorreg om ’n spierwit feestyd te beleef hier in Brussels. Dit het so 2 dae terug goed gesneeu en ons het heerlik in die sneeu gaan stap en selfs ons eie slee gemaak en in die agterplaas gespeel. Ons geniet dit terdee en dit maak op vir die feit dat ons nie in pragtige SA en by ons familie kan wees gedurende die tyd. Gaan kyk gerus na ons videos oor die sneeu hier by ons en ons slee pret. Ons hoop julle kan so ook ’n smakie van ’n regte egte wit Kersfees beleef

31/1/2002: Ons het die nuwe jaar met ’n groot gejuig binne gestorm en is alweer so besig soos altyd. Mandi het intussen vinnig Suid Afrika besoek om haar ma by te staan. Ma Wilma het ’n galblaas operasie ondergaan maar is tans besig om goed aan te sterk. Anton was in Dubai en Abu Dhabi en daarna na Noorweë en Denemarke gedurende Januarie. Gedurende Januarie alleen het ons tussen ons twee 13 aparte vlugte deurgewerk. Ons begin al wegkruip as ons ’n vliegtuig sien of hoor, dalk wil hy ons kom oplaai! Ons vlieg 2 Feb na ’n eiland naby Zanzibar vir ’n week vakansie. Die eiland se naam is Mnemba en ons kan nie wag vir die lekker bederf nie. Wanneer ons terug kom gaan ons vir ’n paar dae na Budapest en daarna na Riyadh in Saudi Arabië. Ons hoop om vir Mandi ook ’n uitnodiging te kry om die land te besoek. Sy behoort oulik te lyk in ’n Moslem rok!

 13/02/2002: Ons het sopas terugekeer van ’n fantastiese week op ’n eiland, Mnemba, naby Zanzibar. Dit was soos ’n regte privaat eiland, maksimum 20 mense op ’n slag op die eiland met kelners wat ons heeltemal bederf het. Ons het gebrand in die son dat die velle nou nog waai. Verder het ons heerlike 3 gang maaltye 3 keer ’n dag gekry en 2 keer ’n dag met ’n boot uit gegaan om te snorkel. Die visse en koraal riwwe was pragtig. Ons het dolfyne gesien en selfs aanskou hoe ’n skilpad kom eiers le op die strand! Om ons heerlike huis het 2 bokkies (Suni’s) elke oggend gespeel. As dit soos ’n paradys klink dan is dit omtrent reg! Tanzania (Dar Es Salaam) en Zanzibar was ook baie interessant.

Alle goeie dinge kom egter op ’n einde en soos ons lewe nou maar is, het ons vanoggend na Budapest gevlieg waar Anton moet praat by ’n kongres. Net daar met die aankoms eindig die eiland atmosfeer met ’n groot slag. Hongarye het op 1 Jan 2002 besluit Suid Afrikaners het nou visas nodig en ons mag nie die land binnegaan sonder die nodige visas nie. Die visas kan slegs in Brussels gekry word en ja, sowaar, daar word ons gedeporteer! Nou ken julle ook mense wat al gedeporteer was.... Ons is nou weer terug in Brussels en sal nou more oggend kyk of ons ’n visa vir Anton kan kry en dan probeer hy maar weer om 16h00 in Budapest te wees vir die praatjie. Gelukkig kry hierdie dinge ons nie meer onder nie, ons het maar lekker in die lughawe gesit en lag terwyl ons wag op ons terug vlug. Mandi het net een keer genoem dat haar ‘moer nou gestrip het’ maar verder is sy OK. Minstens kon ons die honde 2 dae vroeer kry en nou is die gesinnetjie weer heel lekker aan die kuier.

9/04/2002: Gedurende Februarie en Maart was ons meer as gewoonlik by die huis maar het darem ’n paar heerlike toere agter die rug. Die grootste van almal was ons besoek aan Italie. Ons was nog nie saam daar nie alhoewel Mandi dit jare gelede besoek het. Ons het eers vir 3 dae in Lorica gaan bly. ’n Klein plekkie in die suide van die land langs ’n meer. Heerlik gerus en net vrot gewees. Die winkels maak net oop as iemand aan die deure gaan klop of as ’n buurman kom kuier! Ongelukkig moes Anton ’n seminaar aanbied in Brussels die Woensdag en moes ons terug ry Rome toe. Hy is toe die oggend op die vliegtuig en die aand weer terug. Ons bly toe sommer in Rome en Mandi besigtig die pragtige ou stad met sy wonderlike museums en beelde en kapelle en Colosseum ens. Nadat ons toe weer verenig is laat die aand is ons die volgende dag na Pissa. Wat ’n ervaring om die skewe gebou van naby te sien. Dit was vir ons ’n hoogtepunt! Terug in Rome die volgende dag gaan besoek Mandi toe weer saam met Anton die Sistine chapel met al Michaelangelo en Rapheal se fantastiese kunswerke teen die mure en dak. Dit het beslis aan ons verwagtinge voldoen.

Sondag is die heerlike week ongelukkig verby en Anton vlieg van Rome na Budapest en Mandi van Rome na Brussels. Gelukkig het Anton die keer ’n visa gehad en is hy nie weer gedeporteer nie. Mandi het in Brussels ons vriende, Thinus & Ansie, gaan afsien. Hulle is gelukkig genoeg om terug te gaan na wonderlike ou SA. Ons is skoon jaloers!

Laastens, maar nie die minste nie, ons lewens gaan alweer ’n nuwe wending binne. Ons het ’n aanbod gekry van maatskappye in beide die Midde Ooste en Suid-Afrika en ons sal hoogs waarskynlik einde Mei in ’n ander land wees. Dinge is in die onderhandelings fase maar ons sal laat weet sodra finale besluite geneem is. Ons gaan ook volgende week na Manchester, UK. Waar Anton gaan praat en daarna gaan ons ’n paar dae in Ierland deurbring. Letterlik een van die laaste lande in Europa wat ons nog nie besoek het nie.

24/05/2002: Nog ’n maand sedert ons laas die blad opgedateer het. Intussen het ons heerlik in Ierland gekuier en die land letterlik dwarsdeur gery in ’n naweek! Ons het selfs een aand op die Aran eilande geslaap en dit was ’n heerlike ervaring. Luister gerus na hierdie tipiese Ierse liedjie “A night to Aran Island”. Dit klink asof dit spesiaal vir ons geskryf is. Ons het saam met Elaine en Ritzema getoer en dit toe so lekker gevind dat ons ’n volgende kuier beplan het.

Kort daarna is die 2 toe vir 10 dae by ons in Brussels en het ons saam na Disneyland Paris gegaan. Ons het soos kinders al die ‘rides’ gedoen en sekere rides selfs 4 keer! Mandi en die gaste het die ander dae België weer plat getoer en al die mooi dorpies besoek. Anton was weer na Skandanavïe vir werk.

Wel, ons toekoms planne is al duideliker. Anton het amptelik bedank en amptelik is ons oppad na Abu Dhabi in die United Arab Emirates (UAE). Ons voorsien dus ’n WARM toekoms vir die gesinnetjie. Dit is naby Dubai so die “shoppers” kan Mandi kom opsoek vir advies. Laastens moet ons egter noem dat daar tog nog gesprek gevoer word met ’n maatskappy in Suid Afrika. Gelukkig weet ons dat ons pad beplan is en is ons nie bekommerd nie. Waarheen ookal, ons sien uit daarna! Anton gaan nie werk in Junie nie en dus gaan hy moet help trek. Dit sal ’n nuwe ervaring wees vir hom, gewoonlik kruip hy by die werk weg en laat Mandi die harde werk doen!

11/06/2002: AANDAG:- Die Bouwers is oppad huistoe!!! Na vele redenasies en plan veranderings het ons toe uiteindelik vir Suid Afrika en teen die Midde Ooste gekies. Anton gaan by Old Mutual in die Kaap werk en Mandi gaan weer praktiseer. Ongelooflik maar waar, ons buitelandse ervaring is vir eers byna verby. Ons trek al Vrydag 14 Junie maar gaan eers ’n toer deur Swede en Noorwee deurwerk. Ons beplan om die Noorse Arctic circle binne te dring en so ver noord as moontlik te ry! As alles volgens plan verloop gaan ons daarna vir ’n paar dae by die De Ridders in London kuier en 2 Julie na SA vlieg. Ons is werklik opgewonde om weer “residents” te word en ons eie kultuur te beleef. Ons is egter opreg dankbaar vir die tyd hier in Europa. Dit was ’n fantastiese ervaring en ons weet ons gaan baie dinge hier geweldig mis. Die lewe van ’n “expat” het egter ’n aantal nadele en ons kan nie wag om weer rugby, braaivleis, koeksisters, meat pies, cream soda, biltong, kreef, sonskyn......... en al die ander heerlike Afrikaanse dinge te geniet nie.

Gedurende die laaste maand was ons weer in Turkye en Portugal en ons het dit opgeslurp omdat ons geweet het die rond reise is byna op ’n einde. In Istanbul het ons heerlik tyd gehad om die mark te verken en ’n eiland te besoek. In Lisabon het ons weer in dieselfde hotel as voorheen gebly en heerlik hand aan hand die aand deur die strate gestap. Mandi verjaar more, 12 Junie, so moenie vergeet om gelukwense te stuur nie. Die geskenke moet julle egter hou tot ons julle binnekort in SA sien! Vir oulaas so iets Europees – click op sy naam en luister gerus na een van ons gunsteling kunstenaars van België, Jacques Brel. Nou-ja soos die Hongare sal sê Kosonom sepan, Viszonlatasra en die Walloniers Merci, Au Revoir en die Flaaminge Zeer bedankt, Dag, sê ons Baie dankie en Totsiens aan die vriendelike Europeers wat ons toegelaat het om ’n besondere 3 jaar op hul kontinent te kon deurbring. Aan die Suid Afrikaners wil ons net sê “Watch out, the Bouwers are back in town!”. Aangesien ons minder bereikbaar sal wees gedurende Junie en Julie moet julle ons asseblief op die volgende nommers kontak indien ons dringend bereik moet word: +32474632896 in Europa en 0823492358 in SA. Laaste maar nie die minste, baie dankie vir almal wat gereeld ons website besoek het en boodskappe gestuur het. Julle het waarskynlik geen idee hoe ons dit waardeer het om kontak met “ons mense” te gehad het nie. Ons het ook nuwe, interessante idees vir die website wanneer ons terug is in SA so moenie ophou besoek nie. Wie weet, binnekort verkoop ons dalk kreef en perlemoen en ander Weskus lekkernye hier

21/08/02: Nou-ja, 2 maande later en ons is terug in die pragtige Kaap. Gedurende die 2 maande het ons vir oulaas (hopenlik) vreeslik getoer. Ons was eers deur Skandanawie tot aan die noordste punt van Europa, Nordkapp. ’n Onbeskryflike ervaring, sekerlik ons beste toer in Europa. Die natuurskoon daarbo is die moeite werd om voor terug te gaan. Die afstand van Brussels was egter dodelik en ons moes 8000km in 10 dae aflê!! Ons nagte is gewoonlik in die kar deurgebring terwyl een ry en die ander een slaap. Die toer was so vol gebeurtenisse, te veel om hier op te noem. Die hoogtepunte was egter:

1.       Vertrek 17 Junie uit Brussels en ry aaneen regdeur Belgïe, Duitsland, Denemarke, Swede tot in Finland voor ons eerste stop 2 dae later.

2.       In Lapland, Finland sien ons eerstehands die land se ski jumpers in aksie (die ouens wat van die vreeslik hoë ramps af spring met hul skis). ’n Droom van Anton bewaarheid!

3.       Van hier beleef ons die Middernag Son. Die son gaan nooit onder nie en ons staan gereeld op in die nag om seker te maak hulle lieg nie. Wel, hulle lieg nie...

4.       Ons stap 3km in ’n Finse natuurpark en maak ’n heerlike vuurtjie in ’n hut, alles verniet vir enige iemand wat verbykom. Ons kon daar oornag as ons wou.

5.       Ons kruis die Arctic Circle (ongeveer 66°) net buite Rovaniemi, Lapland en hier ontmoet ons die egte Vader Kersfees. ’n Droom van Mandi verwesenlik! Mandi reken hy het die sagste oë en grootste hande.

6.       Ons bereik Nordkapp en stap 18km, met die honde op die rug, om die mees noordelike punt te bereik, ongeveer 77,11°. Ons was uiters moeg maar dit bly ’n een maal in ’n leeftyd ervaring.

7.       Die laaste dag voor ons vertrek speel ons, soos kinders net in ons onderklere, in die sneeu in die berge.

8.       Nog 2 dae verder stop ons 3 uur die oggend weer in Brussels, 8000km later.

So ’n toer behoort genoeg te wees vir enige normale 2 maande maar ons het al vergeet hoe normaal lyk. Hier is ons normaal:

1.       Na ons die honde op die vliegtuig gelaai het is ons vir 5 dae na Engeland waar ons gaan afskeid neem het van Ritsema en Elaine. ’n Heerlike kuier waar ons Stone Henge, Cambridge, Oxford en vele ander besienswaardighede besoek het.

2.       Van hier het ons terug gevlieg na Johannesburg waarna ons vir ’n week by pa Attie en tannie Rina in Brits gaan kuier het.

3.       Met Attie se Venture is ons toe af Natalse kus toe waar ons by pa Koos en ma Wilma gaan kuier het.

4.       Nog ’n week later is ons na Lesotho waar ons vir Ina en Gert gaan hello sê het.

5.       ’n Paar dae later is ons uiteindelik in die Kaap

Was dit maar die einde dan kon mens nog sê dat dit erg was maar oorleefbaar. Oppad na die Kaap het ons egter weer kontak gehad met ’n ou vriend, Andre Nel. Die wou al lankal hê Anton moet ’n oudit vir hom doen in Zambië waar hy vir ’n myn werk. Om dit te bewerkstellig moes Anton toe onmiddelik begin werk by Old Mutual sodat ons 2 weke later kon vlieg Zambië toe, vir 2 weke! Die eerste week werk Anton toe en die tweede week toer ons met 4x4’s deur die South Luangwa National Park. ’n Wonderlike ervaring, ons het regte “Camel Trophy” 4x4 roetes gery af teen die escarpment, deur riviere, kampeer tussen olifante, hyenas, seekoeie, krokodille ens... Ons is sommer dadelik weer ingeburger in Afrika!

Laastens, ter interessantheid, toe ons Zambië binnegaan, tel ons toe dat dit die 42ste land is wat ons binnegaan! Ons is besonder geseënd en dankbaar vir die voorreg wat ons te beurt geval het.

 

 

Groete uit die Weskus!